Vico Equense - La ballata dei tredici casali

‘Ncoppa Bunea ‘nce sta ‘na Madunnella,

ca spanne grazie ‘ncopp’a tutte quante:

a San Francisco stanno’ e Cunfessure;

‘Mmiezo Vico ‘nce stanno ‘e putecare,

a ‘mpont’a via ‘nce stanno e janarune.

A Muntichiaro l’aria è fina e bella;

‘mmiezo Siano stanno ‘e figliulelle

ca vonno truvà ‘nu ‘ nnammurato.

A Furnacelle stanno principe e barune,

‘nce sta nennillo mio   ch’è capurale.

A Papognano ‘na fresca frescura

‘nce vanno e giuvinotte a festeggiare.

‘Ncopp’a l’Arola so’ fatecature

e fanno ogne frutto po’ nu rano.

A Priazzano fanno uoglio e nuce;

a Tecciano ‘nce stanno e spasellere,

 e venneno ‘o mercato de lu Chiano.

A Massaquano fanno e pruvulune,

so’ buone cu’ lu vino de lu Scrajo.

‘Ncopp’a li Quonte so tutte craparune:

vinneno ‘e recottelle a ‘cquatt’a grano.

A Mojano ‘nce stanno ‘e ronne belle

vanno a Faito e far’e sarcenelle.

Gaetano Amalfi